Көрме ғұлама ғалым әл-Фарабидың 1155 жылдығы және «Отырар» мемлекеттік археологиялық музей-қорығының» 45 жылдығына арналып отыр.
Отырар алқабындағы қалалық мәдениет, егіншілік, сауда, өндіріске қатысты «Отырар» мемлекеттік археологиялық қорық-музейінің қорынан алынған 200-ден астам экспонат көпшілік назарына ұсынылды.
Аталған көрме Алматы қаласы тұрғындары мен қонақтарына ортағасырлық қалалардың мәдениетін тереңірек танып-білуге, ықылым заманнан мәдениет пен өнердің, ынтымақ пен бірліктің сарқылмас көзі болып келе жатқан Отырар қаласының мәдениетімен танысуға, Отырар алқабындағы Отырартөбе, Құйрықтөбе, Алтынтөбе, Пышақшытөбе, Көк-Мардан, Күйік-Мардан, Жалпақтөбе, Қоңыртөбе, Оқсыз секілді қалажұрттар, сауда-қолөнер орталықтары, Арыстанбаб, Найман әулие және т.б. қорым-зираттары, архитектуралық ескерткіштермен танысуға мүмкіндік береді.
Көрме 2025 жылғы 19 сәуірге дейін жалғасады.
