Анонс


Еуропалық ғалымдар Қазақстандағы ежелгі ескерткіштерді зерттейді Таңдаулы

Дүйсенбі, 25 Мамыр 2015 12:45
Еуропалық ғалымдар Қазақстандағы ежелгі ескерткіштерді зерттейді KAZMUSEUM.KZ -  

Еуропалық ғалымдар Қазақстандағы ежелгі ескерткіштерді зерттейді. Бұл туралы бүгін Орталық коммуникациялар қызметіндегі баспасөз мәслихатында ҚР Мәдениет және спорт министрі Арыстанбек Мұхамедиұлы мәлім етті, деп жазады inform.kz

«Қазақстанның тарихи-мәдени мұрасы шетелдік ғылыми қоғамдастықтың тарапынан айтарлықтай жоғары қызығушылықты байқатып отыр», - деді министр.

Оның сөзіне қарағанда, неміс, катарлық және норвегиялық ғалымдар еліміздегі архелогиялық ескерткіштерді сақтау мен зерттеу бойынша шараларға қатысады.

«Атап айтқанда, бұл тұрғыда Берел қорғаны,  «Тамғалы» археологиялық ландшафтының петроглифтері, «Отырар» және басқа да маңызды тарихи ескерткіштер қамтылмақ», - деді А. Мұхамедиұлы.

Оның сөзіне қарағанда, бірнеше ай бұрын норвегиялық ғалымдардың пулы келіп, Қазақстан аумағындағы көне қорғандарда зерттеу жұмыстарын жүргізді.

«Қазіргі кезде оның нәтижелері Еуропада жарияланды. Белгілі болғандай, Қазақстанның ежелгі қоныстарындағы тұрғындардың ДНК-сы еуропалықтарға ұқсас болып шықты. Әрине, ғылым әлемінде бұл оқиға үлкен резонанс тудырды. Осы орайда жақын арада нақты бағыттарда жұмыс істейтін ғалымдардың үлкен құрамын күтіп отырмыз», - деді министр.

2566 рет оқылды
comments powered by HyperComments
JoomShaper