Анонс


ЮНЕСКО Түркістанда арнайы тексеріс жүргізетін болды

Сәрсенбі, 04 Қараша 2015 09:28
ЮНЕСКО Түркістанда арнайы тексеріс жүргізетін болды KAZMUSEUM.KZ -  

Оңтүстік Қазақстан облысының әкімі Бейбіт Атамқұлов ЮНЕСКО-ның бүкіләлемдік мұра комитетіне мүше мемлекеттердің сарапшыларын қабылдады, деп хабарлайды kazmuseum.kz тілшісі облыс әкімдігінің баспасөз қызметіне сілтеме жасап.

Екі жақты кездесуде Қожа Ахмет Яссауи кесенесінің бүгінгі жағдайы мен реставрация жұмыстарын жүргізу мәселелері және кесенені қорғау, Түркістандағы ескерткіштерді қорғау жайы сөз болды.

Қос тарап «Әзірет Сұлтан» музей-қорығының маңында  құрылыс жүргізу ісінде тарихи ескерткіштерді қорғауға арналған регламентті сақтау жөнінде пікір алысты. 

Халықаралық сарапшылар Түркістан қаласындағы тарихи кешенде зерттеу жұмыстарын 13 қарашаға дейін жүргізетін болады.

Естеріңізге салсақ, 2003 жылы маусымда Парижде өткен ЮНЕСКО-ның 27-ші сессиясында Қожа Ахмет Яссауи кесенесі дүниежүзілік мәдени мұралар тізіміне енгізілген болатын.

2573 рет оқылды
comments powered by HyperComments
JoomShaper